Hargeysa, 09 April, 2012 (SLpost)- Taliyaha Cusub ee Laanta Socdaalka Somaliland Md. Maxamed Cali Yuusuf ayaa maanta xilka kala wareegay Taliyihii hore ee Laanta Socdaalka Md. Maxamed Cismaan Caalin.
Munaasibadda Xil-wareejinta oo lagu qabtay xarunta Laanta Socdaalka ee magaalada Hargeysa, waxa ka soo qayb-galay wasiir ku-xigeenka Amniga ee Wasaaradda Daakhiliga, masuuliyiin ka socotay hayโadaha amaanka iyo shaqaalaha hayโaddaas, waxa ugu horeyn halkaa ka hadlay Taliyihii hore ee Laanta Socdaalka Somalilandย Maxamed Cismaan Caalin, ayaa ka war-bixiyey muddadii uu xilka hayeyย wax-yaabihii u qabsoomayย oo uu xusay in dhammaan ay ka shaqaysiiyeren xafiisyadii Laanta socdaal ee Gobolada dalka,ย Marinadaย laga soo galo dalkana ay ka sameeyeenย Xafisyada socdaalkaย laguna qalabeeyey is-gaadhsinย casriya,oo lagu hubiyo dadka socotada ah ee dalka soo gelaya.Waxa kale oo uu taliyihii hore uu sheegay, Inย ay ciidanka laanta socdaalkaย la siiyey tababarย iyo dirayskoodiiba.
Taliyaha cusub ee Laanta socdaalka S/Land Maxamed Cali Yuusuf oo isna halkaasi ka hadlay, ayaaย sheegay in uuย ย ku dedaali doono in uuย gaadhsiiyoย Laantan Socdaalkaย heer Caalamiya, waxaanuuย sheegay in taliyihii hore uu soo gaadhsiiyeyย heer wanaagsan isna uu halkaasi ka sii ambaqaadi doono.
Gebagebadii Xafladaasi xil-wareejintaย waxa halkaasi ka hadlay wasiir ku xigeenkaย amniga ee wasaarada arimaha gudaha Mud Cabdillahi Abokor Cismaan, waxaanuu ugu horayn halkaasi uga mahad naqay Taliyihii hore ee Laanta socdaalka, kaasi oo uu sheegay in uu wax badan ka qabtay Laanta socdaalka horumarinteeda. Waxaanuu taliyaha cusub u rajeeyay inuu ilaahay isna xilkaย loo dhiibay ku asturo.
Munaasibada Xil-wareejinta waxa Goob joogย la ahaa, Taliyaha Ciidanka Booliska S/Land Cabdillahi Fadal Iimaan,Taliye xigeenka Ciidanka sluubta Xasan Cali dheere,Taliye xigeenka laanta socdaalka Maxamedย saleebaan xaaji xasan.iyo marti sharaf kale oo ay ka mid yihiin masuuliyiintaย Hayโadda I.O. M.
SLpost News
Hargeysa, Somaliland