Shaqaalaha Dawladda oo maalmaha Sabtida iyo Axadda loo Fasaxay Xuska 18-ka iyo Hambalyada masuuliyiinta

0

Hargeysa (SLpost)- Wasiirka wasaaradaΒ  Shaqada iyo Arrimaha Bulshada Mudane Maxamud Axmed Barre (Garaad), ayaa maanta qoraal uuΒ  soo saaray ku sheegay,inΒ  Maalmaha Sabtida iyo AxaddaΒ  eeΒ  19-Ka iyo 20-Ka bishan May ay shaqaaluhuΒ  fasax ka noqon doonaan shaqooyinkooda xuska munaasibadda 18-Ka May awgeed.

Qoraalka wasiirka oo soo gaadhay SOMALILANDPOST waxa uu ku sheegay in sida uu dhigayo xeerka shaqaalaha Rayidka ahΒ  hadii mid ama dhowr fasax qaran isku beeg-maan ay shaqaaluhu xaq u leeyihiin inay maal-maha xigaΒ  helaan fasaxoodii.

Wasiirka wasaarada shaqada iyo arimaha Bulshada, waxa uu hanbalyo iyo bogaadin u diray munaasibadda 18-Ka May awgeed, shaqaala-weynaha Jamhuuriyada somaaliland, isagoo u rajeeyey inay sanadkan kiisa kale ku gaadhaan caafimaad iyo Barwaaqo.

Dhinaca kalena Gudoomiyaha hay’ada Shaqaalaha Dawladda Mud. Nuux Sh. Muuse Ducaale,ayaa isna qoraalΒ  uu soo saaray Waxa uu ku sheegay in shaqaalaha Dawladdu ay fasax ka yihiin shaqadaΒ  maal-maha Sabtida iyo AxaddaΒ  ee 19 Iyo 20 Bishan May,Iyada oo xuskaΒ  18/May uu ku began yahay maalin Jimcaha ah awgeed.

Gudoomiyaha Hay’ada shaqaalaha Dawladdu waxa uu hanbalyo u diray munaasibadan awgeed dhammaan shaqaalaha dawlada iyo xaasaskooda.isaga oo u rajeeyey xuskan kiisa kaleku gaadhaan bash-bash iyo barwaaqo iyo caafimaad qab.

SLpost News/Hargeysa