Hargeysa, (SLpost)- Xisbiga KULMIYE ayaa labadda xisbiΒ mucaarad ee WADDANI iyo UCID ku eedeeyay in ay ka baxeen heshiiskii ay wada jirka u Β gaadheen saddexda xisbi qaran iyoΒ xukuumaddu.
Heshiiskaasi oo ahaaΒ Β in doorashooyinku ay dalka ka qabsoomaan bisha December 2016-ka, sidaasina waxaa sheegayΒ guddoomiyaha golaha dhexe ee xisbiga KULMIYE Jaamac Ismaaciil Cigge(Jaamac shabeel) ooΒ xalay khadka telefoonka ugu waramay DAWAN.
βXukuumadda iyo xisbigeedda KULMIYE mawqifkoodu wuu cad yahay arrintaana heshiis ayaa laga gaadhay,Β oo la wada galay.Β dhankayagana heshiiskaasi waa sidaanu u galnay anaga (xukuumadda iyo KULMIYE) ayay noo taallaa sidaanu u fulinayno.Β LaakiinΒ cidda ka baxday iyaga ayay u taallaa wax aanu ka baxnayΒ oo xagayaga ka yimidna ma jiroβ ayuu yidhi Jaamac Shabeel.
IsagooΒ hadalkiisa sii watayna waxa uu yidhi βGoβaanka guurtida cidda diiday iyagaa og waxay yeelayaan go,aankaasina waa mid sharci ah anaga ayaanay too taalla sidaanu isu waafajinaynoΒ Β una diyaara labadaba in aanu fulinoΒ Β labada xisbi mucaaridna waxaanu kula heshiinay waanu fulinaynaa hadday iyagu diidaanna waxaan u aragnaa in ay iyagu ka bexeen.β
Sidoo kale Jaamac Shabeel,Β oo la waydiiyay in ay mar kale wada hadal la furayaan axsaabta mucaaridka ah iyo in kale mar haddii uu muran ka dhashay heshiiskii hore.
Waxa uu ku jawaabay βWada hadal marbaa la furay waanu dhamaaday waxna waa lagu heshiiyay heshiiskii aanu wada galnay fulintiisuna waa naga diyaarΒ Β wadaΒ Β hadal kalena ma jiro oo wax laga wada hadlo oo kale anagu(KULMIYE)Β Β garan mayno kol haddii aanu diyaar u nahay fulinta waxaanu ku heshiinay cidda ka baxdayna iyagay u taalla βayuu yidhi Jaamac Ismaaciil Cigge.
Dhinaca kale guddoomiyaha golaha dhexe ee KULMIYE waxa uu jawaab ka bixiyay hadal dhawaan ka soo yeedhayΒ Β kooxdaΒ Β la baxday Madasha Wadatashiga. Kaasi oo ahaaΒ Β in xubno ka tirsan kooxda la baxday madasha wadatashiga oo sheegay in ay masuuliyiin ka tirsan Xukuumadda ka dacweeyeenΒ dawladda Ingiriiska.
βHaddii Β la iskaΒ Β hadlayoΒ Β wax kasta waa la iska odhan karaa, Β waana hadal aan macno lahayn oo la iska yidhi sababtoo ah Xukuumadda talada haysa iyo xisbigeeda KULMIYEΒ Β waxayΒ hoggaanka dalka kula wareegeen doorasho ay dadkoodu ku doorteen.
Β Waxaanay Β haystaan kalsoonida shacabkooda waxaana hubaal ah in imikana ay bulshadu diyaar uΒ Β tahay in ay mar kale Xukuumadda iyo KULMIYE codkooda kuΒ Β ninkaΒ Β yidhi cid baan ingiriis ka dacweeyay waa nin kalsooniΒ Β ka waayay shicibkiisa oo cidlaΒ Β ku wareegaysanayaΒ Β Ingiriiska ay leeyihiin waanu ka dacwaynayna dacwad loo gudbiyay Somaliland waxba laguma yeeli karo midda kale ingiriisΒ Β horta intaan cid laga dacwayn ma yahay dal ina aqoonsan.
Β Dal Β aan Somaliland-ba aqoonsanayn masuuliyiin ayaan ka dacwaynay waa hadal tiro iyo nin albaab xidhan oo silsilado ku qufulan garaacaya markaa iska garaac ayaan leeyahay gacmuhu ha kugu daalaanβayuu yidhi guddoomiyaha golaha dhexe ee KULMIYE.
Β Source: DAWAN