Hargeysa, (SLpost)- Madaxweynaha Somaliand Md. Axmed Siilaanyo ayaa maanta laba degreeto oo kala duwan ku xilal ugu magacaabay Maareeyaha Dekedda Berbera iyo ku-xigeenka Gobolka Maroodi-jeex, sida lagu sheegay labada warsaxaafadeed oo ka soo baxay aqalgalka looga arrimiyo Somaliland.
Madaxweyne Siilaanyo, waxa uu xilkii maareeyaha dekedda Berbera ka qaaday Axmed Yuusuf Dirir oo uu xilka u magacaabay markii uu talada dalka ku guulaystay xisbiga Kulmiye, waxaanu jagadan dib ugu magacaabay maareeyihii hore ee dekedda Eng. Cali Xoor-xoor oo xilkaas hayay intii ay jirtay xukuumaddii hore ee Xisbiga UDUB.
War-saxafadeedka ka soo baxay Qasriga Madaxtooyada ee magacaabista iyo xil-ka-qaadista Maareeyaha Dekedda Berbera ayaa u dhignaa sidan:
โMadaxweynaha JSL, Mudane. Axmed Maxamed Maxamuud (Siilaanyo) waxa uu Digreeto Madaxweyne oo Numberkeedu yahay JSL/M/XILQ/249/1-828/122011 Xilkii kaga Qaaday maareeyihii Hore ee Dekeda Berbera, Axmed Yuusuf Dirir.
Waxaanu uga mahadnaqay mudadii uu xilka soo hayey, Hawlihii uu qaranka u qabtay sidoo kale Madaxweynuhu isaga oo Sunaha Dawladnimo raacaya.
Markuu Arkay:ย ย ย Qodobka 90aad, Faqradiisa 3aad ee Xarafka (kh) ee Dastuurka Jamhuuriyadda Somaliland;
Markuu Tixgeliyey:ย Ahmiyadda Dekeddu u leedahay Dhismaha Qaranka;
Markuu Arkay:ย ย ย ย ย ย ย In baahi loo qabo in la dardar geliyo hawlaha Dekedda Berbera;
Markuu Ka Fiirsaday:ย ย ย Kartidiisa, aqoontiisa iyo hufnaantiisa shaqo
Markuu Ku Qancay:ย In uu hanan karo xilkan loo magacaabay;
Wuxuu goโaansaday
In Eng. Cali Cumar Maxamed (Xoor-xooor) laga bilaabo taariikhda maanta uu ahaado Maareeyaha Dekedda Berbera ee Jamhuuriyadda Somaliland.โ
Dhinaca kale, waxa uu madaxweyne Siilaanyo magacaabay ku-xigeenka Guddoomiyaha gobolka Maroodi-jeex ka dib markii gudoomiyihi hore muddo laba bilood ah ka hor loo magacaabay xoghayaha golaha deegaanka Hargeysa.
War-saxafadeedka ka soo baxay Qasriga Madaxtooyada ee magacaabista beddelka ku-xigeenka guddoomiyaha ayaa u dhignaa sidan:
โMadaxweynaha JSL, Mudane. Axmed Maxamed Maxamuud (Siilaanyo) waxa uu Digreeto Madaxweyne oo Numberkeedu yahay JSL/M/XERM/249-826/122011 ku Magacaabay Gudoomiye Ku-xigeenka Gobolka Maroodijeex
Madaxweynuhu :-
Markuu Arkay:ย Qodobka 90aad ee Dastuurka Jamhuuriyadda Somaliland;
Markuu Arkay:ย ย Qodobka 110aad ee Dastuurka Jamhuuriyadda Somaliland;
Markuu Tixgeliyay:ย Ahmiyadda ay Gudoomiyayaasha Gobolladu u leeyihiin Dhismaha Qaranka;
Markuu Aqoonsaday:ย ย ย ย In baahi loo qabo buuxinta jagada Gudoomiye Ku-xigeenka Gobolka Maroodijeex oo Banaanayd markii uu xilkii iska Casilay Gudoomiye Ku-xigeenka Hore ee Gobolka Maroodijeex, Mawliid Weris Cabdilaahi.
Markuu La Tashaday:ย ย ย ย Madaxda ay hawshani khusayso;
Markuu ku Qancay:ย ย ย In uu buuxin karo, aqoon iyo kartina u leeyahay jagadan;
Wuxuu goโaansaday
In Mudane, Rashiid Axmed Maxamed, laga bilaabo taariikhda maanta uu ahaado Gudoomiye Ku-xigeenka Gobolka Maroodi-jeex ee JSL.โ
Somalilandpost.net
webmaster@somalilandpost.net